សេចក្តីជូនដំណឹងសម្រាប់សាធារណជនដែលមានការពាក់ព័ន្ធជាមួយគ្រឹះស្ថាន ហួយវ័ន ផេ ម.ក ឱ្យមកបង្ហាញអត្តសញ្ញាណ
នៅថ្ងៃទី៥ ខែធ្នូ ឆ្នាំ២០២៥ ធនាគារជាតិនៃកម្ពុជា បានចេញសេចក្តីជូនដំណឹងអញ្ជើញសាធារណជនដែលអះអាងថាជាម្ចាស់បំណុលមិនទាន់ទទួលបានការទូទាត់ពីគ្រឹះស្ថាន ហួយវ័ន ផេ ម.ក (HUIONE PAY PLC.) ដែលត្រូវបានដកហូតអាជ្ញាប័ណ្ណតាំងពីឆ្នាំ២០២៤ ឱ្យមកបង្ហាញអត្តសញ្ញាណ និងភ្ជាប់មកជាមួយនូវភស្តុតាងពាក់ព័ន្ធ នៅធនាគារជាតិនៃកម្ពុជា អគារសែនសុខ ចាប់ពីថ្ងៃទី៨ ដល់ថ្ងៃទី១៩ ខែធ្នូ ឆ្នាំ២០២៥។ ការអញ្ជើញនេះធ្វើឡើងបន្ទាប់ពីមានការតវ៉ាតាមបណ្តាញសង្គម បើទោះបីជាដំណើរការជម្រះបញ្ជីបានបញ្ចប់ជាស្ថាពរកាលពីខែមិថុនា ឆ្នាំ២០២៥ ក៏ដោយ។ ជាមួយគ្នានេះ ធនាគារជាតិក៏បានរំលឹកដល់សាធារណជនឱ្យមានការប្រុងប្រយ័ត្នខ្ពស់ចំពោះការធ្វើប្រតិបត្តិការពាក់ព័ន្ធនឹងទ្រព្យសកម្មគ្រីបតូដែលគ្មានការអនុញ្ញាត។
ធនាគារជាតិនៃកម្ពុជា
